HAURRESKOLA

Gune laiko eta plurala gara, hezkuntza solidario, inklusibo eta hezkuntza ez baztertzailearen alde gaude eta hori lortzeko lan egiten dugu. Gure esfortsu eta lan pedagogiko guztiak erabili nahi ditugu prebentzio akzio batean familien eta umearen beharrak asetzeko lehenengo hezkuntza honetan.

Gure ibilbidea 1997. urtean hasi zen, talde txikia ginen baina gogo eta motibazio handiarekin.

Hasiera gogorrak izan ziren, baliabide eskasak, finantziazio eza eta zailtasunak alde guztietatik. Ilusioa ikaragarria zen eta gurasoen eta babesleen kuoten bitartez poliki-poliki aurrera egin genuen. Kontuan hartzekoa da, hasierako urte haietan bertan geunden irakasleek denetarik egiten genuela: autobuseko garraioa, gurasoentzako euskarazko klaseak, baliabideen kudeaketa etab….

Hasi ginen momentutik gure helburua bikoitza zen, alde batetik umeek euskaraz ikastea eta bestetik pedagogia aurrerakoiaren bitartez umeak eskolatzea. Biak uztarturik zeuden.

Ibilbide luze honetan, pertsona asko egon dira inplikatuak Gasteiturtzi Haur Eskola proiektuan. Ezin dira izenak aipatu, amaigabea izango litzateke. Mila esker hasierako bultzada eman zenioten guztioi: guraso, babesle, ikasle eta irakasle. Mila esker, gaur egun ere, posible egiten duzuenei ikastolako egunerokotasuna eta proiektua.